Tleka in Tlakuat kipia xipet ikuitkapiltsi

 

Ompa, kampa kisa se atemi ka itoka sempolatl, ompa memi se tlapial itoka tlakuat, ne iknotl tlapialtsin kipia ikuitlapil xipets, tla mopalewito in tlakawan wejkawan.

Ma mokilia ka se wejkawan tonal se tlakawan tlasentil,  okikuayo nakatl  amo iksik, iweyi tlayekanke okijto, ¡tlasekin polowa tlitl! ayamo kuali ka totlakuali amo iksik, xokiyo miak in totolme, wan to michime no ijki, ne xokome kipia wuitstli, no  kipia miak ajwatl in nopalmej. ¡Ma nejtok tlitl!

 

-Ne nikuitis nin tlitl ka tiknekis tlaka tlanawati, ne nijmati kani onkak, ne nijmati kani totonaltsi kochi, wan ne tlajko yowal manichteki se tlitlkuawitl, maj ni mokopaya wan nikuiti ne tlitl. Se telpoch okijto.

 

-Amo yetok kuali nin tlayejyekoj, miak tokniwan omikto, opopolok ne ojpan, in tonaltsi amo weyi kochi. Ye kipia tlapojtok se ixtololo wan okse tsakuajtok. Okijto in weyi tlayekanke.

 

 

Ne tlakuat aka tentsaktok, seltik okijto, -monekyektlan itla, axkan nimapalewiaya wan ijkon amo notlakuatia nin tlakawan.

-¡Ey!, ¡ey!, ¡ey!, tejuatsin, xikili mo tlayekanke tla majnikuitis mo tlitl. Otsajtsijto to iknui tlakuat.

– ¿Tleno?

-¡Xikili mo tlayekanke tla majnikuitis mo tlitl!

-Ma ti mokuatepolo, ¿Tejua? Tejua tixolo, mistskajkayawa je,je,je, ticholowasneki, te amo tijmati kani onkak tlil.

– Te amo tiweitilia, ¡xio! ¡xinemi! ximolini mo ikxi, ino xikili mo tiachka, okijto in tlakuat.

– Tata in tlakuat timitsnotsa, ¡tlapowa! ¡tlapowa!

–Te tiwintok, okijto in wewentsi.

– Amo tetatsin, onitlapokto in tlakuat.

-Tiowe okijto in wewe, wan motleloskej kampa yetokia tsakuakto in tlakuat.

– Tlen tikneki okuilintsi okijto in wewe, ma iwetskatia, ¡je!, ¡je!, ¡je! Maj nikitas tlen kineki nin okuilintsi kijtos okseki in wewentsi, tleno otimitsnotsa no tlakua.

– Tlayekanke, ne nijmati ka tejua tikpia kuali mo yolo, wan kuali tixmati, okijto in tlakuat

– Tsakua mo kamak, tejua ti malinchiwas tiknekis okijto in wewe, maj nio, – Amo, amo, okijto in tlakuat, ¡xikaki wewentsi! ¡ne nikuitis nin tlitl ka te tiknekis!

-¿Te? Kijto in tatatiachka ka weyitlanawatil, tejua ti mokuatepolo, niojya ne nipopolo in kawitl, – tlakatl xikaki, ne niwelis, melaw, melaw.

– Tejua ticholosneki,

-Amo tejuatsin, seltik nikneki se tlaman, ijkuak ne nikuiti in tlitl, nochi nokniwan amo kichiwilia mo tlakuali,

-Tejchia tepitsin, ijkuak te tikuitis in tlitl ¿nochi mokniwan amo ti tlakuali? –Kijto in tlakuat.

-Kuali, majnikitas kuali. Mostla ma tikuitis to tlitl, okijto in tlanawatil.

 

 

Okseki kualkan

– ¡Sht! ¡sht! ¡ey! Tlakatsin se tlen nikneki axkantsi,

– Ton tikneki okijto in xokoyotl,

– ¡Tlakuali! Okijto in tlakuat

–¿Tosepan okakijto, toni okijto in tlakuat?

– Maj kajkayawas, okijto in xokoyotl.

–Tsakua mo kamak okijto in wewetsi, nin tlakuat kipia miak kuali tlajtoli, mostla tekitis itechpowis kikuas tlakualis.

–Amo, amo, san seltik kineki tlakuas wan mostla cholowas, kijtos se topile. –Amo, xikmaka tlakilotl wan xokotl, mostla tlaxtlawis, okijto in wewentsi.

   

 

-¿Maj nin tlapialton amo ti kajkayawas? okijto in teopixka,

-Amo xikuatotonilis, mostla tikitaske ton tijchiwaske, axka tosepan tikochitis. Nin yowal sikwits miak tiowe itech in to ostoktsin ompa amo kalaki miak in sisik, amo tlasesewas.

 

 

In weyi tlayekanke kualkan asijto, wan tsatsijto,  nochi ximoketsaka, nin tonal kipia miak kuali tlaman pan tosepan, tejua topili –xikualika in tlakuati, amo ticholoswiaya.  

-Kema tetatsin okijto in topilitsin.

Ijwan in tlakuat oyetoke ixko tetatsin okijto,  

-Ne nias nikuitis mo tlitl ma tejuantsi ¿ma ti welmochiwas mo tlajtoli?

-Kema ne ni nitlanawatilis, ka nochi tlakawan amo tikuaskia, wan nochi tlakuatitsin amo itlakuali no in tlakaj,

-Maj sa tejua omo tikuitis in tlitl nin tlanawatil popolos, ti yetok tlankili,

-Kema okijto in tlakuat.

 

 

-¿Maj keme tijchiwas? Se tekuani itoka ocelotl amokiweli, ne sansan amo kiwelis no ijki, in tekuani axan yetok chichinowa wan tlilwitok to tonali , in sansan yetok chimeko no ijki, tejua amo ti kuinal totoka, wan amo patlani keme sasan, ¿kani tikuitis in tlitl?

-Keme se masaka opanok ixkotonal, ijkuan ka nin tonal okochtok, tlapejpenalis wan onikitskis se tlilkuawitl, wan ichtaka in tonaltsi amo kakisti okistok ichan tonal.

-Kuali yetok okijto in tlayekanke, ¡tejuan topili! xijmaka nochi tlaman tlatekiti, maj kuali mochiwas itekiti,

-Toni tikniki tlakuattsin, okijto in topili,

-Se tiltik tlapitsayo, wan se tsikitsi itakate,

-Kuali ximochia tepitsin axkan niwits.

Amo weyi kawitl omokopak in topili wan ikualkui se tilma wan itakate pan tokniwatsin tlakuat.

 

 

Timota tosepan tlakaw wan siwaw, okse tonal mokopas, kualojpan otsajtsito in tlasentil.

-Amo xi polo mo tlajtol tlakuat, okijto in xokoyotl, ijkuan omo tikuitis in tlitl, manitlakuas, iwan mokniwan tlaxexelwilis ka nochi tokniwawa.

–Kualiyetok okijto in tlakuat.

-¡Epa! Nochi xikakito tlen okijto nin okuilintsi tlakuat, ¡tleno,tleno,tleno! Ka amo ikuiti in tlitl nin tsontlapopojto, tosepan mitstitlakuas ikniwan, itatawan ijwaj ipiltsin, mostlatsin.

Nochi tlasentil tsajtsito wan mitotito.

–Mostla tikitas okijto in tlakuat kualantok.

 

 

-Ne nejnemis chantonaltsi, majnikitas ka in tonalttsi amo yeto ichan, ma niktlalis no tlapitsayo manikalakis wan nimoketsas tsaktok wan amo molinis, ompa kalaktok nimochias kenon tonaltsi kochis no ijkon tlapepnalis in tlilkuawitl ijwan no ijki yolik, yolik, yolik, makisajto. Majyetokia in kala motlelowa, tech ka amo kitas itlitl in tonaltsi, maj maninkalakis tlapitsayo tlane, ijkon in tlajko yowal amo tlachias in tlitlmoyomej, wan ijkon kichijto, tlayejyekoa to tlakuat.

 

In tekuani amo welititok, amo kichijtok ka tejkajkaya tlanin tlaxtlautok, wan kipia tlilwitok  ikuetlax,  to tonal otlatitok ka amo tlachixtok inemi wan kichijtok miak itlakakistok wan kijto nikan yeto ka tlakokolijtok.

–Ne amo ijkon nijchiwas okijto to tlakuat.

 

 

Achto tokniuwatsin tlakuat, okipiaj se ikuetlax istaktsin, ixipo tlajkochichiltik, ikuitapiltsin keme se astotl, ipotstik tsojmitl, yejua otlachiajtok miak kuajkualtsin.

 

 

Ka ajsitok in tlakuat ichan tonaltsi, amo nooktok wan kalakijto ichan, chiixtok tlantlapitsayo wan tlastlajtok in tonaltsin tla kayekitas ke ye kochia ka amo omomawijtok, kuali mochiwaltok, chachapaktok kampa yetoka itlekuili ne tonaltsi, wan ijkon okitskijtok se tlitlkuawitl, no ijki kisajto ichan tonal. Maj in tonal amo kochi miak, okijto.

-¿Akin tlaijtik kajki?  wan tlajtlanko, in tlakuat oketsajtok san kajki,

-¿Akin kuatotonil? wan kualantok ka tlachijtok in tlakuat wan okijto.

-¿Kan tio tlakuattsin ka ixtekitokej no tlitl?

-Amo xikualani tonaltsi, ne amo ixtekito mo tlitl, san seltik nipanojkej ixko mochantsi, ijuak keme onikpia miak tlaseseya ma niasowajyetok, maniyejyeko ma niwakes in tlitl ka totonaltsi, ijkon nojchia, ijkón pokatl no tilma.

-¿Non melaw mo tlajtol tlakuatontsi?

-Kema tlakatonaltsi, kema non melawalis no tlajtoli.

–Kualiyetok axkan xio ma niyewejkika kualanis.       

Ijtik in tlapitsayo yetokau in tlitlkuawitl, wan chichiniujtok in tlakuatsojmitl, mayejyekos axkantsi ka amo kitas in tonaltsi, nimotlelowas, ijkon amo xotlas no tsojmitl, wan amo sewis in tlitlkuawitl, maj totonaltsi maachiliktok itlajtol itlakuat amo kalakijtok ichan wan nepa kaltentsakuali omoketsajtok, yolik, yolik, yolik, oyaki in tlakuatl, san opolok in tlakuat in se akolojtli, kalakijto.

 

 

Pampa okijto in tlakuat, – ¡xotla mo kuitlapil!

-Amo melaw, okijto in tlakuat ma omokopakto wan itla ikuitlapil, wan tlayojkolistok ma otlachijto ixipets kuitlapil, wan no ijki tenaktok nochi y tsojmitl, achtow istaktsin axkan yetoka tenextik, motlajton ijkon ka in poktli wan tlitl xoxotlakto tlane itlapitsayo.

Wejka ichan tonaltsin okitato ka xotlatia in isoya in tlapitsayo, wan tlamoktok ipan se atemi ka sewis in tlitl. Sotlawijtok wan kokolojtok xotlanki asis ejko in altepetla tlakajwan.  

  

 

Nochi tosepan wan tlasentil kitato nin weyichikawak tlakuattsin, in weyitlayekanke okijto ka nochi nepa yetokatok ¡Xikpalewi! ¡xikitaka kuali! Wijtla te xokoyotl mowetskajto itlajtol in tlakuattsin, amo neltokato ika ichikawalis, maj nepa yetok. Okuito in to tlitl, axkan ma tijpias tlawili, totonkej iwan amo miak tikuas nakat amo ijsik. Xikilwi miak tlasojkamatik tlakuatitsi, ma axka texwika ipan in tlakapajtli. Wan xikilis in tlakapajtliani ka weyitlayekanke kijtos matlapajtika kuali ka tokniwa tlakuat. Kuali tlachijto ka amo mikis. Ijkón xikili.

In tlakuat okichijtok in miki, keme ye kijmati, wan nochi momoxti, amo ximikti tlakuattsin, amo nitlakuas monakatl, axkan amo te no tlakuali, tlasojkamatik ka on tecmakaktok in tlitl.

 

 

Opanojke makuil tonaltsi, wan in tlakuattsin amo kokoliskej, wan teochiwas se ome tlajtoli, oyajke ichan weyi tatiachka, wan okijto.

–tlakatsin, ma techonkilia se ome tlajtoli.

–Kuali okijto in wewentsi, xikili.

–Otechmakato mo tlajtoli ka ne axkan pan ixko nochi in tlakuattsin nokniu amo ka itlakuali in tlakawan, ¿ijkon mochiwas?

-Melaw ijkon nijchiwas, ka tejuantsi amo non se moneki non, axkan amo tikpia mo tsojmitl istaktsin, axka yetok tlajko meko iwan nextik, wan tsojiak tlaxotlalok. Amo kuatotolinis, wan te tikpia okse mochiwas wan kajkayawas, kuali otijchis miki, ijkon ti xolochiwas wan ijkon keme se masaka ti cholowas.

 – Ja, ja, ja, nochi wetskatok…

-Tosepan ximotenkawaka, otsajtsi in weyitlayekankej, axkan toikniwa tlakuat nemis nowa tlakawan wan amo miktias, amo kichiwilias in tlakuali, wan amo tlamotlas in itskuintli, miak tlaxtlawijtok ka ikuali tekitl, axkan amo kipia istak ikuetlax, wan ipotstik itsojmiyo, axkan yetok amokualtsin wan tsojiak xotla, tla tejuantij, itlaxtlawis aka pankuis nemi kajkato ka xipets ikuitlapil.

 

Amo pinawis in tlakuatsin, sa mach axkan ka te tijmati toni kualimochiwa, ne nijmati, ya otikitajto, nin tlapialtsin okijchijto ka in tekuani amo welchiwato, no ijki in sasan. Xixkoita kuali, wan amokuali tlajtowa tla mo amo tikixmatij.

 

Ma  non itlakaaxkayo, ka nemis nochi tlaltikpak, no ijkon kichiwa, itech no ijkón kipia xipets ikuitlapil, wan ijkón nemi kampa pewa in Sempoalatl.

 

Okichijto Selikmili

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s


A %d blogueros les gusta esto: